4000 vepra arti të vjedhura janë zbuluar në një banesë në Tiranë në rrugën 'Shyqyri Brari'. Policia ka vënë në pranga 31-vjeçarin Artan Koçiu, i arrestuar edhe më parë në 2013 përsëri për trafik të ikonave. Objektet e trashëgimisë kulturore dyshohet se janë marrë apo vjedhur nga kishat Ortodokse në Shqipëri, Greqi dhe në Maqedoninë e Veriut.
Zbulimi i 4000 veprave të artit ka vënë në lëvizje edhe Ministrinë e Kulturës, e cila tha se do bëjë inventarizimin e veprave dhe kategorizimin e secilës prej tyre nëse janë pjesë e trashëgimisë kulturore.
