Ukraina nuk është e vetme në kërkesën e saj ndaj Perëndimit për krijimin e një zone të ndalim-fluturimit mbi territorin e saj, ndërsa agresioni rus është në ditën e 22-të. Pas parlamenteve të Estonisë dhe Lituanisë, parlamenti i Letonisë ka kërkuar gjithashtu krijimin e një zone të ndalim-fluturimit mbi Ukrainë.
Parlamenti në Riga, i bëri thirrje Kombeve të Bashkuara që të ndërmarrin hapat e duhur për të mbrojtur jetët e njerëzve. Në të njëjtën kohë, ligjvënësit nga vendi baltik i BE-së dhe NATO-s kërkuan që të merren masa sa më shpejt të jetë e mundur për të siguruar korridore të sigurta humanitare në territorin ukrainas.
