Një ngjarje e rëndë ka ndodhur sot në një galeri kromi në fshatin Lajthizë të Tropojës. Si pasojë e shembjes së galerisë humbën jetën 2 minatorët, Adil Dautaj dhe Afrim Zhutaj, ndërkohë një i tretë ka mbetur i bllokuar brenda. Në fillim u nxorr Adil Dautaj 41 vjeç dhe pak orë më pas është nxjerrë edhe Afrim Zhutaj, 43 vjeç. Zhutaj është nga fshati Kepenik dhe baba i tre fëmijëve.
Policia ndodhet në vendin e ngjarjes dhe po punohet për nxjerrjen e minatorit të mbetur prej disa orësh në minierë. Nuk dihen shkaqet që çuan në shembjen e galerisë.
