Presidenti i Ukrainës Volodymyr Zelensky ka njoftuar sot se aktiviteti i 11 partive të vendit, disa prej të cilave kanë lidhje me Moskën, do të limitohet dhe do të vendoset nën kontroll.
Në një video të publikuar gjatë natës, Zelensky edhe liston emrat e partive në fjalë. Mes tyre është edhe Platforma e Opozitës- Për jetë, një nga partitë më të mëdha pro Ruse që ka përfaqësues edhe në Parlamentin e Ukrainës.
Sipas asaj që bëri të ditur Zelensky, Ministria e Drejtësisë në vend do t’i implementojë kufizimet menjëherë, dhe do të qëndrojnë në fuqi derisa të zgjasë ligji ushtarak.
