Ashtu siç kishte bërë të ditur menjëherë pas vendimit të marrë në shkallën e dytë të Gjykatës së Apelit Sportiv, Interi paraqiti ankimimin në Kolegjin e Garancisë Sportive në Coni - shkalla e tretë dhe e fundit e drejtësisë sportive - për të marrë fitoren në tavolinë të ndeshjes kundër Bolonjës, që nuk u zhvillua më 6 janar për shkak të rasteve të ndryshme të Covid në klubin kuqeblu. Si Gjykatësi Sportiv ashtu edhe Gjykata e Apelit në fakt kishin vendosur që ndeshja të riluhej. Klubi zikaltër kishte afat deri në 25 mars për të apeluar.
Duke parë kalendarin, ka dy momente më të mundshme për këtë rikuperim të pritshëm: një datë brenda javës së fundit të prillit (si e mërkura 27) dhe një në të parën e majit (si e mërkura e datës 4). Apeli në fakt duhet të diskutohet pas 2-3 javësh, por java mes datës 18-24 është jashtë loje, sepse në datën 20 është rikthimi i gjysmëfinales së Kupës së Italisë.
