Ukraina ka akuzuar Rusinë se ka rrëmbyer mijëra fëmijë nga rajoni i pushtuar i Donbasit. Sipas ministrisë së Jashtme të Ukrainës, të paktën 2,389 fëmijë janë depërtuar ilegalisht në Rusi.
Ndërkohë nga ana tjetër, të paktën 925 civilë kanë humbur jetën në Ukrainë që nga fillimi i konfliktit thuajse një muaj më parë. Lajmin e ka bërë të ditur zyra për të drejtat e njeriut në Organizatën e Kombeve të Bashkuara.
Që nga mesnata e 20 marsit, 925 civilë kanë vdekur dhe 1,496 të tjerë janë plagosur, sipas njoftimit.
Numri aktual i civilëve të vrarë deri më tani në luftën në Ukrainë ka të ngjarë të jetë dukshëm më i lartë pasi OHCHR, që ka një ekip të madh monitorimi në vend, nuk ka pasur ende mundësi të marrë ose verifikojë raportet e viktimave nga disa qytete të goditura keq, përfshirë Mariupolin.
