Ndërsa liderët europianë dhe të SHBA po përgatiten të takohen për herë të parë që nga fillimi i konfliktit, kjo do të jetë një ditë e rëndësishme për simbolikën- një paraqitje që do të tregojë se aleanca trans-Atlantike është e fortë dhe i qëndron përballë Putinit.
Gjëja kryesore që dëshiron presidenti ukrainas Volodymyr Zelensky është një zonë e ndalim-fluturimit, por kjo nuk ka ndodhur sepse rreziku i një konflikti me rusët do jetë shumë i madh.
Ne gjithashtu ka të ngjarë të dëgjojmë më shumë se çfarë mbështetje do i jepet Ukrainës për të luftuar një sulm kimik ose biologjik, pasi SHBA ka ngritur shqetësimet e saj se Rusia mund t’i drejtohet kësaj mundësie.
Sekretari i Përgjithshëm i NATO-s i ka bërë thirrje Putinit që të ndalojë këtë ‘kërcënimin bërthamor’, duke theksuar se Rusia thjesht nuk mund të fitonte nëse do kishte një luftë bërthamore.
E vetmja gjë që Putin tha se nuk do dëshironte ishte zgjerimi i NATO-s në pragun e tij dhe do donte ta shihte këtë të hequr nga axhenda.
Por na është thënë se do ketë një dyfishim të grupeve luftarake të NATO-s në Europën Lindore dhe gjetkë.
NATO thotë se do të ketë forca të saj në Bullgari, Hungari, Rumani dhe Sllovaki- të gjitha pjesë e një mesazhi që NATO-aleanca perëndimore dëshiron të dërgojë se nëse Putini po ia bën këtë një shteti që nuk është anëtar i NATO-s, siç është Ukraina, nuk do ketë shanse ta bëjë me një klub prej 30 vendesh./bbc
