Detaje të reja kanë dalë në dritë nga vatra e zjarrit që shpërtheu në Komisariatin nr. 5 në Kamëz. Mësohet se tre persona janë asfiksuar nga tymi i shkaktuar nga flakët. Një prej personave është në gjendje më të rëndë për shkak se është nxjerrë pa ndjenja jashtë vendit ku ka rënë zjarr. Flaka ka nisur në ambientet e brendshme të komisariatit të policisë dhe u shua vetëm pas ndërhyrjes së e zjarrfikësve të Kamzës.
Punonjësit e komisariatit janë evakuar nga godina ndërsa të ndaluarit do të shpërndahen nëpër komisariate të tjera. Deri më tani nuk dihen shkaqet e këtij zjarri por shtëllunga tymi vijojnë të dalin në vendin ku ishte vatra e flakëve
