Cështja e Manolo Portanovas, i akuzuar për dhunë seksuale në grup, ka marrë drejtim pas kërkesës për të ngritur aktakuzën. Lojtari i Genoas do të duhet të dalë para Gjykatë në Siena, më 7 qershor, së bashku me dy persona të tjerë. Sipas akuzës, të tre në bashkëpunim me një të mitur, dyshohet se kanë ushtruar dhunë seksuale ndaj një 21-vjeçare në një apartament në qendër të Sienës natën midis 30 dhe 31 majit 2021.
Në qershor të vitit të kaluar, Portanova kishte shfrytëzuar të drejtën për të mos u përgjigjur para hetuesit Jacopo Rocchi, kur pas denoncimit të vajzës kishin nisur hetimet paraprake dhe, më pas, gjatë marrjes në pyetje nga prokurori kompetent u deklarua i pafajshëm. Për Portanovën dhe të dyshuarit e tjerë të moshës madhore fillimisht u urdhërua e më pas u revokua, edhe arresti shtëpiak. Tashmë, pas muajsh hetimesh, marrjes në pyetje dhe kontrolleve në celularët e të rinjve të përfshirë, prokurori në detyrë Nicola Marini ka kërkuar aktakuzën për lojtarin, i cili kundër Torinos në javën e fundit të kampionatit ka shënuar golin e parë në Serie A. Për të dyshuarin e katërt, 17 vjeç në kohën e ngjarjes, është kompetente gjykata për të mitur në Firence.
