Nasser Al-Khelaifi i rikthehet sulmit ndaj Super League: “Jo-Super League nuk ekziston – e nisi menjëherë sulmin numri një i ECA-s gjatë një konference për shtyp – Nuk ekzistonte versioni i parë dhe i dyti nuk ekziston gjithashtu. Ne jemi këtu për të folur për të ardhmen, për bashkëpunimet. Ne besojmë në kompeticionet e UEFA-s, ku ka shumë potencial. Jemi të kënaqur me atë që po bëjmë dhe atë që do të bëjmë".
Sipas presidentit të PSG-së, të gjithë projektit i mungon mbështetja: "Të gjithë janë kundër Super League. Tifozët, mediat, klubet e mëdha dhe të vogla. Ata janë vetëm tre dhe e çuditshmja është se tani kënaqen duke luajtur në kompeticionet Uefa, u pëlqen të jenë në kompeticionin më të mirë. Nuk mendoj se mund të bëjnë shumë, ne jemi të gjithë shumë të bashkuar, punojmë si familje dhe kujdesemi për njëri-tjetrin. Ky ishte objektivi ynë dhe ja arritëm".
