Kremlini i ka hedhur poshtë pretendimet për helmim të pronarit të Chelsea, Roman Abramovich.
“Ky është informacion fushate kundër Rusisë, është pjesë e një sabotazhi”, ka thënë zëdhënsëi i Kremlinit Dmitry Peskov.
Peskov shtoi se raportimet mbi helmimin e Abramovichit nuk ishin të vërteta, por ai gjithashtu shtoi se oligarku, pronar i klubit të futbollit britanik, nuk ishte një anëtar zyrtar i delegacionit rus, thjesht ishte kujdesur të siguronte disa kontakte mes Moskës dhe Kievit.
Kujtojmë se të hënën Abramovich së bashku me dy anëtarë të tjerë të delegacionit shfaqën shenja helmimi këtë të hënë, duke patur skuqje të syve, lot të vazhdueshëm dhe dhimbje të syve dhe irritim e rënie të lëkurës së fytyrës dhe duarve.
