“Po kthehem në shtëpinë time”: kështu Carlitos Tevez ka njoftuar në Instagram se të dielën në mbrëmje do të jetë në tribunë në Stadium, për ndeshjen e Juventus kundër Interit. Një prani shtesë për bardhezinjtë që dëshirojnë të fitojnë me çdo kusht sfidën për të kapërcyer zikaltrit në renditje dhe t'i japin vetes mundësinë për një finale sezoni me shpresën për të luftuar përsëri për titullin. Dy vite në Torino për Apache, 39 gola në 66 paraqitje, një histori e shkurtër por intensive: i pari që veshi fanellën me numrin 10 të Del Pieros.
Numër që tani e mban në fanellë Paulo Dybala, në një moment të veçantë të karrierës së tij, i etur për t'i dhënë fund përvojës së tij në Torino me një trofe. Të përbashkët kanë edhe kombësinë, e prania e ish-sulmuesit të Boca, në fakt, mund të jetë një stimul i mëtejshëm për Joyan. E ardhmja është ende e pasigurt për Dybalan, i cili pasi u injorua në Spanjë po merr në konsideratë Premier League, por edhe qëndrimin në Itali me Marottan që do të donte ta sillte te Inter. Për të mbrëmja e së dielës do të jetë një udhëkryq i rëndësishëm.
