Sali Berisha duke folur për gazetarët jashtë sallës së Kuvendit është ndalur sërish tek mbledhja e Grupit Parlamentar të PD-së, duke thënë se ky grup do të ketë mbledhje të tjera ku ai do të jetë i pranishëm.
Për sa i përket kundërshtive nga deputetët e PD-së, Berisha u shpreh se diversiteti e bën më demokratik procesin e ribashkimit.
“Propozimet e opozitës do jetë t’i pres biletën kësaj qeverie në arkivat e historisë. Kjo ishte mbledhje normale. Ideja jonë është bashkimi në diversitet. Kapërcimi po ecën shumë mirë. Përgëzoj aktivistë që janë angazhuar në këtë proces” tha Berisha.
I pyetur për procesin e zgjedhjes së Presidentit të ri, Berisha u shpreh se nëse PS deklaron se nuk e njeh “Rithemelimin”, do të thotë që po tenton të blejë deputetë.
“Kanë nisur punën për të blerë deputetë. Do të dështojnë me turp. Po nuk njohën grupin dhe vazhdojnë blerjen do dështojnë me turp të madh” tha ish-kryeministri.
