Forcat ruse po përdorin një kishë pranë Kievit për të nisur një sulm në kryeqytetin ukrainas, sipas një zyrtari të lartë të administratës amerikane, shkruan skynews.
Kisha ndodhet 22 milje në veriperëndim të Kievit.
“Personeli ushtarak është pozicionuar pranë kishës gjithashtu edhe në zonat e banimit përreth,” tha zyrtari në kushte anonimiteti.
Pretendimet vijnë pasi kryetari i bashkisë së kryeqytetit ukrainas Vitali Klitschko tha se në veri dhe lindje të Kievit po zhvilloheshin luftime të ashpra. Klitschko tha se rreziku i vdekjes në Kiev tani ishte “shumë i lartë” dhe u bëri thirrje civilëve që të mos rikthehen në kryeqytet.
