Presidenti rus, Vladimir Putin, ka qenë gjithmonë diskret kur bëhet fjalë për pyetjet rreth familjes së tij.
Në vitin 2015, gjatë një prej konferencave të tij maratonë për shtyp, ai shmangu pyetjet në lidhje me identitetin e vajzës së tij.
“Vajzat e mia jetojnë në Rusi dhe studiojnë vetëm në Rusi, jam krenar për to”, tha ai. "Ata flasin rrjedhshëm tre gjuhë të huaja. Unë kurrë nuk e diskutoj familjen time me askënd."
“Çdo person ka të drejtë për fatin e tij, ai jeton jetën e tij dhe e bën atë me dinjitet”, shtoi ai.
Ai mund të mos dëshirojë t'i përmendë ato, por të tjerët e kanë bërë. Raundi i fundit i sanksioneve të SHBA-së ka shënjestruar Maria Vorontsova, 36 vjeç, dhe Katerina Tikhonova, 35 vjeç.
“Ne besojmë se shumë nga pasuritë e Putinit janë të fshehura me anëtarët e familjes dhe kjo është arsyeja pse ne po i targetojmw ata”, tha një zyrtar amerikan.
Ndërsa shumë pak është konfirmuar zyrtarisht për jetën familjare të Presidentit Putin, dokumentet, raportet në media dhe deklaratat e herëpashershme publike janë të mjaftueshme për të siguruar një portret të vajzave të tij.
Të dyja janë vajzat e presidentit Putin dhe ish-bashkëshortes së tij Ludmila. Dyshja u martua në vitin 1983 kur ajo ishte stjuardesë dhe ai oficer i KGB-së. Martesa e tyre zgjati 30 vjet, duke përfshirë ngritjen e shpejtë të Putinit në krye të sistemit politik të Rusisë.
Në vitin 2013, ata u ndanë. Putin tha se "ishte një vendim i përbashkët: ne nuk e shohim njëri-tjetrin, secili prej nesh ka jetën e tij". Ajo tha se ai ishte "i mbytur plotësisht në punë".
Më e madhja e tyre, Maria Vorontsova, lindi në 1985. Ajo studioi biologji në Universitetin e Shën Petersburgut dhe mjekësi në Universitetin Shtetëror të Moskës.
Zonja Vorontsova tani është një akademike, e specializuar në sistemin endokrin. Ajo shkroi një libër mbi ndalimin e rritjes tek fëmijët dhe renditet si studiuese në Qendrën Kërkimore të Endokrinologjisë në Moskë.
Ajo është gjithashtu një biznesmene. BBC Rusia e identifikoi atë si bashkëpronare të një kompanie që planifikonte të ndërtonte një qendër masive mjekësore.
Zonja Vorontsova është e martuar me biznesmenin holandez Jorrit Joost Faassen, i cili dikur ka punuar në gjigandin shtetëror rus të energjisë Gazprom, megjithëse thuhet se ata janë ndarë.
Njerëzit që kanë folur me të që nga pushtimi i Ukrainës thonë se ajo mbështet babanë e saj dhe ka hedhur dyshime mbi raportimin ndërkombëtar të konfliktit.
Krahasuar me motrën e saj, vajza tjetër e Putinit, Katerina Tikhonova ka qenë shumë më shumë në sy të publikut, jo më pak për shkak të talentit të saj si kërcimtare rock n' roll. Ajo dhe partneri i saj dolën të pestën në një ngjarje ndërkombëtare në 2013.
Po atë vit, ajo u martua me Kirill Shamalov, djalin e një miku prej kohësh të Presidentit Putin. Dasma e tyre u mbajt në një resort ekskluziv skish afër Shën Petersburg. Punëtorët atje thanë se çifti mbërriti me një “sajë” të tërhequr nga tre kuaj të bardhë.
Shamalov u sanksionua nga SHBA në vitin 2018 për rolin e tij në sektorin energjetik të Rusisë. Thesari i SHBA tha se "pasuria e tij u përmirësua në mënyrë drastike pas martesës". Dyshja që atëherë janë ndarë.
©LAPSI.AL
