Të gjithë të vrarët në sulmin në stacionin hekurudhor në Kramatorsk ishin civilë, ka konfirmuar presidenti ukrainas. Volodymyr Zelenskyy tha se nuk kishte ushtarë në mesin e atyre që vdiqën.
Ai tha se të paktën 30 njerëz janë vrarë dhe më shumë se 100 janë plagosur, por guvernatori i rajonit të Donetsk më parë tha se numri aktual i të vdekurve besohet të jetë më shumë.
Korrespondentit të Sky News, John Sparks, i është thënë se katër fëmijë janë mesin e viktimave.
“Në mungesë të forcës dhe guximit për të na përballur në fushën e betejës, ata po shkatërrojnë në mënyrë cinike popullatën civile”, tha Zelenskyy në një deklaratë.
“Kjo është një e keqe që nuk ka kufi. Dhe nëse nuk dënohet, nuk do të ndalet kurrë.
“Forcat ruse goditën stacionin e trenit në Kramatorsk, qëlluan në një stacion treni të zakonshëm, mbi njerëzit e zakonshëm. Nuk kishte ushtarë atje”, deklaroi Zelensky.
