Anëtarët e Asamblesë së Partisë Socialiste votëbesuan këtë të shtunë anëtarët e sekretariatit të kësaj partie. Në total 284 anëtarë nga 342 anëtarë asambleje votuan. Nga votimi rezultoi se të gjithë sekretarët aktualë rimorën besimin e anëtarëve të Asamblesë për të vijuar detyrën e tyre. Blendi Klosi do të vijojë detyrën si Sekretar Organizativ, Etjen Xhafaj si Sekretar Dixhital, Anila Denaj si Sekretare e Burimeve Njerëzore, Etilda Gjonaj Sekretare e Gruas, Romina Kuko Sekretare e Marrëdhënieve me Jashtë.
Në Kongresin e kësaj të shtune u propozuan dhe votëbesuan gjithashtu edhe 3 sekretarë të rinj, përkatësisht: Blerina Gjylameti, Eridian Salianji dhe Lart Duraj. Blerina Gjylameti do të shërbejë si Sekretare për Koordinimin, Eridian Salianji mori besimin si Sekretar për Çështjet Zgjedhore dhe Ligjore dhe Laert Duraj është votëbesuar për të detyrën si Sekretar për Diasporën.
