Partia Demokratike e Shqipërisë ka njoftuar zgjedhjet për Kryetar dege të PD në Fier, Selenicë dhe Fush-Krujë do të zhvillohen ditën e sotme. Në njoftim thuhet se procesi i votimit do të hapet në orën 9.00 e do të mbyllet në orën 17.00. Komisioni i Organizimit dhe Kontrollit të Operacioneve Elektorale të Partisë Demokratike fton të gjithë anëtarët e PD në degët Fier, Fush-Krujë dhe Selenicë të bëhen pjesë e procesit të votimit.
Njoftim i Komisionit të Organizimit dhe Kontrollit të Operacioneve Elektorale të Partisë Demokratike
Komisioni i Organizimit dhe Kontrollit të Operacioneve Elektorale të Partisë Demokratike njofton që zgjedhjet për Kryetar dege të PD Fier, Selenicë dhe Fush-Krujë do të zhvillohen ditën e dielë, dt 10 prill 2022 në Qendrat e Votimit si më poshtë vijon:
1.
Fush-Krujë
Selia e PD Dega Fush-Krujë
10.04.2022
2.
Selenicë
Lokali “Devoll Kuci” Peshkëpi
10.04.2022
3.
Fier
Godina e Universitetit UFO
10.04.2022
Procesi i votimit do të hapet në orën 9.00 e do të mbyllet në orën 17.00. Në rast se në Qendrat e Votimit do të ketë ende votues, procesi do të vijojë edhe pas orës 17.00, deri kur edhe anëtari I fundit I PD së degës përkatëse të ketë votuar. Për shtyrjen e votimit do të njoftohet Komisioni I Organizimit dhe Kontrollit të Operacioneve Elektorale.
Kandidatët e për Kryetar dege sipas degëve janë:
PD Dega Fier
1. Gentian Theodhori Varfi
2. Rrapi Rako Gjika
3. Vladimir Sabri Kajolli
PD Dega Fushë Krujë
1. Agron Sure Loka
2. Aqif Shaban Mesi
PD Dega Selenicë
1. Gazmir Memo Beqaj
2. Leonard Josif Rakipaj
Komisioni i Organizimit dhe Kontrollit të Operacioneve Elektorale fton të gjithë anëtarët e PD në degët Fier, Fush-Krujë dhe Selenicë të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të forte e më të hapur.
