4 ditë pas ngjarjes, policia ka zbuluar autoren që i vendosi flakën makinës së kryeplakut të Vermoshit në Malësinë e Madhe. Sipas njoftimit nga uniformat blu, automjeti tip “Toyota” në pronësi të Prek Vatës u dogj nga një grua 60-vjeçare me iniciale L.Sh e cila dyshohet se vuan nga probleme të shëndetit mendor.
Shtetasja L. Sh u procedua në gjendje të lirë dhe dyshohet se i ka vendosur flakën automjetit për shkak se ishte parkuar në afërsi të lumit Cem në fshatin Vermosh. Materialet u referuan në Prokurorinë pranë Gjykatës së Rrethit Gjyqësor Shkodër.
