Ditën e nesërme besimtarët katolikë kremtojnë Pashkët. Në orën 23:00 fillon mesha në Katedralen e Shen Palit. Ky është momenti më i madh në kalendarin liturgjik të Kishës Katolike dhe kishave të tjera të krishtera që shënon ringjalljen e Jezu Krishtit pas kryqëzimit.
Figurat e para politike që kanë uruar Pashkët, ishin kryeministri Edi Rama dhe presidenti Ilir Meta.
Me anë të një postimi në rrjetin e tij social, presidenti Meta ka shkruar se kjo festë u kujtonte të gjithë besimtarëve sakrificat e bëra nga Krishti për të gjithë njerëzimin. Kryeministri Edi Rama ndërkohë ka publikuar një foto në Facebook, ndërsa shprehet se Vigjilja e Pashkës është vigjilja e rilindjes së jetës.
