Ata ikën duke lënë pas shkatërrim dhe vdekje. Rusët u larguan nga zonat përreth Kievit vendosur mina kudo për të shkaktuar të tjera viktima mes civilëve që mezi presin të kthehen në rrënojat e banesave të tyre. Para se të largoheshin, rusët fshehën bomba kudo, madje edhe në lavatriçet e shtëpive të braktisura.
Ata lanë pas kurthe vdekjeprurëse në të gjitha "vendet ku kaluan natën", denoncon Ministria e Brendshme e Kievit, duke treguar për minat e vendosura në dyert e shtëpive, poshtë makinave, midis divaneve dhe shtretërve.
“Rreziku është shumë i lartë, qytetarët nuk duhet të kthehen derisa të përfundojë puna e vështirë e skuadrës së bombave” – thuhet në njoftim.
Fotot e minave në lavatriçe, në çanta pazaresh, mes mobilieve të shtëpive të braktisura kanë bërë xhiron e medieve. Ushtria ukrainase paralajmëron se minat mund të jenë në forma të ndryshme.
"Mund të duken si një lodër, një telefon celular, një stilolaps: çdo objekt mund të mbushet me eksploziv" – thuhet në njoftim. ©LAPSI.al
