Ky është momenti i frikshëm kur një raketë ruse shpërthen pranë një gruaje ukrainase që po ecën në rrugë duke mbajtur çantat me pazarin e saj. Incidenti dyshohet se ka ndodhur në Kharkiv, një qytet në verilindje të Ukrainës ditët e fundit pas intensifikimit të granatimeve ruse.
Megjithëse raketa shpërthen vetëm disa metra larg saj, gruaja përfundimisht ngrihet dhe largohet nga vendi i ngjarjes. Dy persona të tjerë mund të shihen gjithashtu në sfond duke shmangur goditjen nga shpërthimi.
Ministria e Mbrojtjes e Ukrainës publikoi imazhet së bashku me një deklaratë të shkurtër duke thënë: “Kharkiv. 2 muaj më parë, askush në Ukrainë nuk mund ta imagjinonte diçka të tillë. Tani po bëhet e zakonshme për shumë ukrainas". Autoritetet ukrainase kanë konfirmuar se askush nuk u vra nga ky sulm. ©LAPSI.al
