Për Lulzim Bashën nuk ishte e lehtë të jepte dorëheqjen nga posti i kryetarit të Partisë Demokratike.
U deshën një seri humbjesh në rrugëtimin e tij opozitar dhe një presion i brendshëm pas disfatës shkatërruese në zgjedhjet e gjashtë marsit që ai, edhe pse me pak ditë vonesë, të deklaronte dorëheqjen publikisht nga roli i kryetarit.
Megjithatë, në Facebook-un zyrtar të Lulzim Bashës, në sektorin "Intro" (Hyrje), thuhet se ai është "Kryetari i Partisë Demokratike të Shqipërisë".
Ky është një detaj i pa anashkalueshëm nga personi që menaxhon Facebook-un e Lulzim Bashës, ai vetë apo dikush tjetër.
Mes dy mundësive, që Basha mund ta ketë harruar këtë përcaktim në profilin e tij, ose ai përcaktim është lënë aty qëllimisht, shanset janë që më shumë të anohen nga kjo e dyta.
©LAPSI.AL
