Zemërimi dhe nervozizmi në majë në Napoli dhe shfaqja më demostrative është ajo në fund të ndeshjes së humbur me Empolin nga Victor Osimhen, i cili nuk mund ta ikonceptonte që tifozët e Napolit të suleshin kundër skuadrës. Ai gati u nis për të shkuar në sektorin e ultrasve për të debatuar, por Juan Jesus, më me përvojë, e ndaloi duke shmangur probleme më të mëdha. Ndërsa, me kokën ulur, Insigne dhe Mertens duartrokisnin për të falenderuar tifozët që nuk falin një tjetër figurë të shëmtuar në javët e fundit.
Por nëse kjo është parë në fushë, ka një sfond që nuk mund të shihej por është dëgjuar në dhomën e zhveshjes së Castellanit. Sidomos kur aty hyri zëvendës presidenti Edo De Laurentiis, sigurisht aspak i kënaqur me performancën. Shkelma e grushta dollapëve dhe gjithashtu një lloj larje hesapi në një ekip që ka gjendje të ndryshme shpirtërore, duke filluar nga Aleks Meret, të cilit do t'i duhet kohë për të metabolizuar gafën e bërë.
Gjërat nuk janë zgjidhur ende: nga nesër nis grumbullimi në Castel Volturno: të shtunën është Sassuolo. Një fitore mund të garantojë menjëherë një vend në Ligën e Kampionëve, por nuk do t'i mbyllte plagët e një sezoni dyfytyrësh.
