Periudhë e komplikuar te Manchester United. Skuadra Ralf Rangnick pas humbjes me Liverpool, pësoi disfatë edhe përballë Arsenal dhe zona Champions League po largohet gjithnjë e më shumë. Nuk mungojnë asnjëherë kritikat për Djajtë e Kuq dhe në veçanti për kapitenin Maguire, i cili u kërcënua edhe me vdekje, por pas ndeshjes me Gunners nuk ishte ai që përfundoi në qendër të kritikave të tifozëve, por Jadon Sancho dhe Alex Telles. Në fakt në rrjetet sociale është shfaqur një video që i sheh si protagonistë dhe e cila është bërë menjëherë virale, duke shkaktuar tallje pafund nga tifozët.
Dy lojtarët e United u filmuan duke u përpjekur të markonin Eddie Nketiah gjatë penalltisë së Saka. Një video e një markimi të thjeshtë që shumë shpejt u kthye në një video gazmore, të paktën për tifozët e Arsenal. Sancho dhe Telles, në fakt, u përpoqën të mbulonin kundërshtarin në vijën e zonës, në rast kthimi të mundshëm të topit, por sulmuesi nuk u shqetësua fare dhe inkuadrohet duke u zhvendosur në të djathtë të Sanchos, duke lënë dy lojtarët e Djajve të Kuq të markonin njëri-tjetrin. Nketiah zhduket, por Sancho dhe Telles as që e vënë re.
https://www.youtube.com/watch?v=73JaLigQ4Pg
