Presidenti i Ukrainës, Volodymyr Zelensky, ka thënë se pas bombardimeve të vazhdueshme në rajonin separatist pro-rus të Moldavisë qendrojnë forcat speciale ruse.
Dy antena radiofonike u shkatërruan ditën e djeshme në Transnistri, ndërsa një njësi ushtarake u sulmua. Gjithashtu thuhet se Ministria e sigurimit të shtetit u godit me granatë.
Për këtë arsye qeveria e rajonit e mbështetur nga Rusia ka shpallur situatë emergjente duke hapur “alarmin e kuq” ndaj terrorizmit.
Por Ukraina ka pretenduar se këto sulme janë të ashtuquajturat operacione të “flamurit të rremë”, një përpjekje e Rusisë për të destabilizuar rajonin dhe për të përhapur konfliktin.
Më parë, një këshilltar i lartë i Presidentit Putin tha se rusishtfolësit në Moldavi po shtypeshin, ky është i njëjti argument që u përdor për të justifikuar pushtimin e Ukrainës.
Në total janë 1500 trupa ruse të stacionuara në rajonin e shkëputur të Moldavisë, i cili deri më tani nuk është përfshirë në luftën e Ukrainës.
Ekziston frika se ushtria ruse mund të hapë një front të ri në Perëndimin e Ukrainës ose t’i japë Moskës një justifikim për të shtyrë deri në Moldavi.
