Ish-kryeministri Sali Berisha foli në përfundim të mbledhjes së Komisionit të Rithemelimit në selinë e Partisë Demokratike ku zbuloi se Kuvendit Kombëtar do t’i propozohet data 21 ose data 22 maj për zgjedhjen e kryetarit.
“U ra dakord që t’i propozohet Kuvendit data për zgjedhjen e Kuvendit. Data që do t’i propozohet Kuvendit dhe do të jetë ose data 21 ose data 22 e majit, varet si i bie, e shtunë ose e diel. Gara është hapur dhe do përcaktohen rregullat nga komisioni. Sapo të vendos Kuvendi, unë pothuajse e kam shpallur kandidaturën dhe Kuvendi do të vendosë datën”, tha Berisha.
Gjithashtu Berisha shtoi se është drejt përfundimit dhe procesi i zgjedhjes së kryetarëve të degëve të zhvilluara nga Komisioni i Rithemelimit. Ish-kryeministri vlerësoi procesin deri në këto momente, ku theksoi se kanë marrë pjesë mbi 40 mijë anëtarë.
