Kreu i grupit parlamentar të PD-së, Enkeljed Alibeaj ka reaguar pas takimit me Ndihmës Sekretaren për Byronë e Çështjeve Europiane dhe Euroaziatike Dr. Karen Donfrie. Në një deklaratë për mediet, Alibeaj ka theksuar se në këtë takim ai ka marrë mbështetjen nga zyrtarja e DASH për një opozitë të fortë dhe të qëndrueshme pro amerikane. I pyetur nëse u përmend emri i Sali Berishës në takim, ai tha se u diskutuar vetëm për çështje të rëndësishme.
“Pata kënaqësinë ta takoja. Diskutuam për çështje të Shqipërisë si ajo e demokracisë. Diskutuam për Shtetin e së Drejtës, si dhe për luftën ndaj Korrupsionit. I shprehe vendosmërinë tonë për luftën ndaj korrupsionit. Vendosmërinë dhe qartësinë tonë për këto sfida. Nuk lash pa diskutuar marrëdhënien e posaçme që PD ka pasur me SHBA në të gjithë trajektoren politike. Vura re për këtë marrëdhënie të posaçme për mbështetje. Mor mbështetje të fortë për një opozitë të fortë dhe të qëndrueshme. Opozitë pro amerikane. Janë çështje të rëndësishme”, tha Alibeaj.
Gazetarja: A u fol për situatën e Brendshme në PD dhe a u përmend emri i Sali Berishës?
“Sfidat janë që prekin të gjithë Shqipërinë. Juve duhet ta dini se flitet për cështje të rëndësishme. Si demokracia shteti i së drejtës dhe lufta kundër korrupsionit.”, u shpreh Alibeaj.
