Luca Pairetto, në fillim të vitit 2022, u promovua në gjyqtar ndërkombëtar. “Kjo etiketa ndërkombëtar ka detyra e ndere”, deklaroi ai për revistën zyrtare të AIA-s pak ditë para se të drejtonte Spezia-Lazio. Fatkeqësisht, arbitri torinez mori tjetër "etiketë" së bashku me arbitrin VAR Nasca nga Barit dhe atë AVAR Valeriani nga Ravena: dizenjatori Rocchi është tërbuar dhe do të pezullojë deri në fund të sezonit jo vetëm ata, por edhe ndihmësin Perrotti dhe të gjithë ekipin e arbitrave që u impenjua në Picco. Sepse goli i fitores i Acerbit në minutën e 90 është ndoshta episodi më i keq që është parë ndonjëherë në epokën e VAR-it. Të mos e kuptosh që portieri është ngjitur lart dhe se mes Acerbit dhe portës ka vetëm një mbrojtës është një gabim i paimagjinueshëm.
Gabim që lejoi Lazion të arrijë Romën në garën për Europën dhe ndezi polemikat (me Mourinhon). Bardhekaltrit u përgjigjen përmes një deklarate të nënshkruar nga presidenti Lotito, i cili fliste për një Romë të fiksuar nga mendimi për Lazion dhe e angazhuar për të larguar vëmendjen nga rezultatet e saj zhgënjyese.
Duke iu rikthyer episodit, sipas rikonstruksioneve që u zbuluan, mbi të gjitha ka një defekt komunikimi. Pairetto ka rifilluar lojën pas një minute saktësisht, ndërsa Lissone Nasca dhe Valeriani (duke qenë të paqartë për t'i kërkuar kolegut të tyre të presë) ishin ende duke parë aksionin. Kjo është arsyeja pse nuk u transmetua asnjë imazh me linjë të vizatuar: rifillimi i lojës ishte aq i nxituar sa nuk lejoi një rishikim të plotë. Pasi loja rifilloi, nuk kishte më kthim prapa: katastrofa u bë. Përsa i përket përsëritjes për shkak të gabimit teknik, ai përjashtohet shprehimisht nga protokolli në rast mosfunksionimi të VAR ose GLT, si dhe në rastet e vendimeve të gabuara të VAR-it, të mosrishikimit ose rishikimit të kryer në rastet që në të vërtetë nuk e juftifikojnë. E vërteta përfundimtare do të dalë së shpejti: lajmi i sotëm është se Rocchi në fund të sezonit do të bëjë publik dialogun mes Pairetto-s dhe dhomës VAR!
