Forcat e armatosura të Ukrainës kanë publikuar sot të dhënat rreth numrit të trupave rusë që besohet të jenë vrarë deri më tani.
Deri më tani, Kievi vlerëson se Moska ka humbur 24,200 trupa që nga 24 shkurti. Ndërkohë, thuhet po ashtu se 1,062 tanke dhe 194 mjete fluturuese të ushtrisë pushtuese janë shkatërruar.
Vlen po ashtu të theksohet se shifrat e dhëna nga Ukraina janë më të lartë se ato të dhëna nga çdo burim tjetër, raporton BBC. Kurse Rusia nuk ka publikuar të dhëna rreth humbjeve që në mars.
