Personi në foto është 28-vjeçari Ilvi Meta i cili sot vari veten brenda komisariatit të Policisë Kavajë. Mësohet se i riu ishte ndaluar nga blutë e Kavajës si i dyshuar për vjedhje ndërsa autoritetet kanë nisur hetimet. Dyshohet se 28-vjeçari ka varur veten me çarçaf brenda qelisë.
Burime bëjnë me dije se ka qenë një efektiv i policisë së këtij komisariati, që ka konstatuar pamjet e rënda të veprimit ekstrem të të riut. Qelia ndodhet në katin përdhes të godinës dy katëshe. Në vendin e ngjarjes kanë mbërritur edhe drejtues të Policisë së Shtetit si dhe një grup ekspertësh.
Burime bëjnë me dije se 28-vieçari është shoqëruar edhe herë të tjera në komisariat. Drejtoria e Standarteve Profesionale pritet të marrë edhe masa konkrete me dyshimet për shpërdorim detyre të punonjësve të policisë që kanë qenë në shërbim dhe në kontroll të vazhdueshëm të dhomave të paraburgimit.
Nuk përjashtohet mundësia e shkarkimit nga detyra dhe prerjes së flet-arrestit për shpërdorim detyre për ndonjërin nga punonjësit e turnit
