Policia e Tiranës ka arrestuar 3 drejtues mjetesh që drejtonin makinat e tyre, nën efektin e lëndëve narkotike. Mësohet se policia rrugore e Tiranës ka arrestuar në flagrancë 3 drejtues automjetesh, shtetasit:
– E. A., 23 vjeç dhe J. M., 26 vjeç, të dy banues në Tiranë, për veprën penale “Drejtimi i automjeteve në mënyrë të parregullt”;
– V. D., 27 vjeç, banues në Selanik, për veprat penale “Drejtimi i automjeteve në mënyrë të parregullt” dhe “Moskallëzimi i krimit”;
Gjatë kryerjes së testit të drogës ka rezultuar se këta shtetas drejtonin mjetet e tyre, nën efektin e lëndëve narkotike. Gjithashtu, gjatë kontrollit në automjetin që drejtonte shtetasi V. D., pasagjerit në këtë mjet, shtetasit A. M. iu gjet dhe iu sekuestrua një sasi lënde e dyshuar narkotike cannabis sativa.
