Komisariati i Tropojës i ka vënë prangat një 53-vjeçar, i quajtur Binak Zharku, për armëmbajtje pa leje dhe prodhim e shitje narkotikësh.
Operacioni i koduar si “Again” u organizua në bashkëpunim me Policinë e Kukësit dhe nën drejtimin e Prokurorisë së Tropojë.
Arrestimi i Zharkut erdhi pasi iu gjetën 18 kg kanabis dhe pistoletë me municion.
Policia, bazuar dhe në informacionet e siguruara në rrugë policore, ushtroi kontroll në banesën e të arrestuarit ku gjeti lëndën narkotike dhe armët.
Tashmë, Binak Zharku akuzohet për veprat penale "Prodhimi dhe shitja e narkotikëve" dhe "Mbajtja pa leje dhe prodhimi i armëve, armëve shpërthyese dhe i municionit".
