Sali Berisha nuk do të jetë emri i vetëm në fletën e votimit në zgjedhjet për kreun e PD-së që do të mbahen në 22 maj. Përballë tij është regjistruar kandidati i parë që do të garojë për kreun e selisë blu.
Mësohet se Ibsen Elezi e ka dorëzuar në selinë blu formularin e kandidimit. Ai ka qenë më parë kryetar i PD-së së Kukësit. Ai kërkoi të kandidojë edhe në zgjedhjet për kreun e Partisë Demokratike që u mbajtën në qershor të 2021, por emri i rij nuk e kaloi filtrin me vendim të Kryesisë.
Elezi ka qenë një kritik i Lulzim Bashës kur ai drejtonte këtë parti. Elezi do ta provojë sërish garën, por shanset e tij duken mjaft të pakëta përballë Berishës. Edhe emra të tjerë që kishin shprehur ambicie për të garuar në këto zgjedhje si Agron Shehaj, Fatbardh Kadilli u tërhoqën në momentet e fundit. ©LAPSI.al
