Dueli për titullin e Premier League vazhdon i zjarrtë. Me një fitore 2-1 ndaj Aston Villa, Liverpool ngjitet në 86 pikë, po aq sa edhe Manchester City, por që ka një ndeshje më pak. Skuadra e Birminghamit kaloi në epërsi me Douglas Luiz, por u barazua dhe më pas u kalua nga Matip dhe Mané. Klopp bëri turnover, duke menduar për finalet që i presin Reds, por ende mban gjallë ëndrrën për të goditur një poker historik trofesh.
Liverpool fiton 2-1 ndaj Aston Villas dhe e kthen topin në fushën e kundërshtarit në këtë përballje emocionuese kokë më kokë me Manchester City. Reds u prezantuan në Birmingham me synimin për të mos lënë të shkëputet skuadrën e Guardiolës, pasi humbën dy pikë në javën e kaluar. Megjithatë, kalendari është i ngjeshur dhe Klopp la pushim disa titullarë, përfshirë Salah. Skuadra e tij e keqinterpretoi mesazhin dhe u fut në fushë e shpërqendruar çuditërisht, një qasje që dënohet menjëherë në Premier. Në minutën e 3 Villans morën avantazhin: një krosim i Digne dhe Douglas Luiz mposhti Alisson. Reds, megjithatë, pretenduan për një pozicion jashtë loje nga i cili erdhi goli, i injoruar nga arbitri. Ndjesia se pësuan një padrejtësi zgjoi Liverpool dhe në fakt nuk kaluan as 3 minuta dhe skuadra e Klopp gjeti barazimin. E bën me Matip, në zhvillimin e një goditje nga këndi dhe pas një kaosi në zonën e vogël. Liverpool stabilizohet dhe kthehet të krijojë lojë, por skuadra e drejtuar nga ish-kapiteni i saj historik, Steven Gerrard, i përgjigjet goditje për goditje.
Ndeshja nuk u ndal kurrë, shanset për shënim ishin të shumta, por goditja vendimtare erdhi në minutën e 65. Kundërsulm i rrufeshëm i Reds, me Luis Diaz që shërbeu për Manè që me kokë shënoi golin e dytë: 2-1 që vulosi ndeshjen. Problemi i vetëm i mbrëmjes ishte dëmtimi i Fabinhos, fondamental për skuadrën e Klopp, i cili mund të humbasë për finalen sfiduese të sezonit. Për Salah dhe të tjerët mungojnë ende 4 ndeshje nga fundi: dy të fundit të Premier dhe dy finalet, të Fa Cup dhe të Champions: dy javë për ta çuar këtë sezon në histori.
