Nuk qetësohen polemikat mes juventinëve e interistëve pas “rasteve” që ishin paksa në limit, gjatë finales së Kupës së Italisë mes Juventusit dhe Interit. Për të zemëruar bardhezinjtë, përveç penalltisë së dhënë për Lautaron, e cilësuar si shumë bujare, ishte mbi të gjitha edhe kartoni i dytë i verdhë i munguar ndaj Brozovic, fajtor për largimin e topit me një gjest zemërimi pas paralajmërimit nga arbitri Valeri, pikërisht para syve të arbitrit. Graziano Cesari u përpoq të sqaronte situatën, duke ngelur në klasë Valerin: "E vlerësoj me 5, peshon shumë ai kartoni i dytë i verdhë ndaj Brozovic që nuk e tregoi”. E përsëri: "VAR me të drejtë thërret arbitrin të rishikojë penalltinë e dytë, faulli i De Ligt është dhe është naiv. Por në atë rast, ndodhi gjithçka në anë të fushës: kishte kaos dhe e gjithë kjo u pa gjatë gjithë ndeshjes".
Nën lenten e moviolistit të Mediaset, ish-arbitrit ndërkombëtare, ka qenë edhe kontakti De Vrij-Vlahovic: "Shumë situata, në kontakt si me lojtarët ashtu edhe me pankinat: kishte nervozizëm dhe pak disiplinë nga të dyja palët. Penalltia e kërkuar nga Juventus? Vlahoviç lëviz topin, De Vrij vetëm më vonë prek topin, sepse fillimisht godet këpucën e serbit. Nëse ka moviolë, edhe kjo duhej analizuar”, përfundoi Cesari.
