Në një konferencë për mediet, ish-kryeministri Sali Berisha i është referuar edhe deklaratave të kryqeveritarit Rama për hetimet e SPAK. Nga selia blu, lideri historik i demokratëve ka thënë se të gjithë presionet e kryeministrit ndaj Prokurorisë së Posaçme janë me qëllim që të faktohen shpifjet e tij.
Kujtojmë se dy ditë më parë, kryeministri Rama ka bërë thirrje të hetohen politikanët, personat e shpallur 'non grata' dhe prokurorët e korruptuar.
"Ka një muaj që sulmon SPAK-un sepse e di që opozita e vërtetë do të jetë fundi i tij. Opozita e vërtetë do të firmosë fundin e tij. Ka shpifur në State Departament, ka mashtruar dhe loguar në mënyrën më korruptive për dezinjimin tim "non grata" në kohën kur puthet me Dodik-un në Bosnje. Tani i kërkon gjyqtarëve dhe prokurorëve të faktojnë shpifjet që ai ka bërë ndaj meje me raportet e tij fallso", thotë Berisha.
