Lapsi Video

Aplikacioni

Android iOS
Flash

Ndërhyrje politike, La Liga denoncon PSG për rinovimin e Mbappé: " Al-Khelafi po aq i rrezikshëm sa Super League"

Lapsi.al 22 May 2022
Ndërhyrje politike, La Liga denoncon PSG për rinovimin e
La Liga, organizmi që menaxhon futbollin profesionist në Spanjë, njoftoi në një deklaratë për shtyp se do të paraqesë një "denoncim" kundër PSG-së, në lidhje me dështimin e transferimit të Kylian Mbappé te Real Madrid, për të "mbrojtur ekosistemin ekonomik të futbollit evropian". Në deklaratën e saj, La Liga thekson se sjellja e presidentit të PSG-së Nasser Al-Khelaifi "është një rrezik për futbollin evropian" dhe se do të prezantojnë një ankimim "te UEFA, autoritetet administrative dhe tatimore franceze dhe organet përkatëse të Bashkimit Europian”. La Liga "dhe shumë institucione evropiane të futbollit shpresonin që presidenti i PSG-së, Nasser Al-Khelaifi, pasi t'i bashkohej organeve të menaxhimit të futbollit evropian si Komiteti Ekzekutiv i UEFA-s dhe presidenca e Shoqatës Evropiane të Klubeve, do të përmbahej nga këto praktika, duke e ditur se ato shkaktojnë dëme serioze, por ndodhi e kundërta - thuhet në shënimin e La Liga - PSG po ndërmerr një investim të pamundur, duke qenë se ka një pagë të papranueshme dhe humbje të mëdha financiare nga sezonet e mëparshme. Po shkel rregullat aktuale të kontrollit ekonomik të UEFA-s dhe atij francez". "Kjo sjellje - përfundon shënimi i La Liga - tregon edhe një herë se disa klube nuk respektojnë dhe nuk duan të respektojnë rregullat e një sektori të rëndësishëm siç është futbolli. Këto rregulla janë thelbësore për të mbrojtur dhe mbështetur qindra mijëra vende pune. Kjo lloj sjelljeje e udhëhequr nga Al-Khelaifi, president i PSG-së, anëtar i Komitetit Ekzekutiv të UEFA-s dhe president i ECA-s, rrezikon futbollin evropian në të njëjtin nivel me Super League Europiane”. "Ajo që PSG do të bëjë duke rinovuar Mbappen me shuma të mëdha parash, pasi ka regjistruar humbje prej 700 milionë euro në sezonet e fundit dhe ka mbi 600 milionë paga në bilanc, është një fyerje për futbollin. Al-Khelafi është po aq i rrezikshëm sa Super League", reagoi ashpër presidenti i Ligës spanjolle Javier Tebas, para rinovimit zyrtar të sulmuesit francez me PSG-në deri në vitin 2025.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

12°c

KËMBIMI EURO

90.90

aktuale

Ndiqe Lapsin edhe në

Me interes nga publiku

Analiza/ Pse Perëndimi mbyll sytë për cenimin e demokracisë në Shqipërinë e Ramës

Në këmbim të besueshmërisë gjeopolitike, bashkëpunimit për emigrantët dhe kontrollit të kufijve, kryeqytetet perëndimore kanë toleruar centralizimin e pushtetit nga kryeministri. “Revolucioni Flamingo” ka vënë në pikëpyetje një pakt që rrezikon të nxisë pikërisht paqëndrueshmërinë që supozohej të parandalonte.

21:01 Gianluca Eramo

Me sytë katër

SPORT

Të tjerë artikuj

PAPARAZZI