Vigjilja e finales së Conference League, ashtu si edhe i frikësoheshin të gjithë, është shndërruar në një arenë konfrontimesh me policinë. Pas përplasjes së tifozëve të Feyenoord pranë godinës së RTSH, ka plasur konflikti edhe mes tifozëve të Romës dhe forcave të rendit. Pas konfrontimit të parë te ura e Drejtorisë së Policisë, forcat e rendit i kanë ndjekur agresorët deri poshtë te ura e Vasil Shantos.
Nga pamjet e siguruara nga Lapsi, shihet një pjesë e ultrasve kanë lëvizur në drejtim të 21 dhjetorit, ndërsa pjesa më e madhe kanë vazhduar në drejtim të stacionit të fundit të Tiranës së Re. Edhe përqendrimi i mjeteve të policisë ka qenë në atë drejtim, ndërsa tymueset janë shpërndarë edhe në hyrje të Myslim Shyrit.
[video width="480" height="848" mp4="https://cdnimpuls.com/lapsi.al/wp-content/uploads/2022/05/WhatsApp-Video-2022-05-24-at-10.47.26-PM.mp4"][/video]
