Oleksiy Arestovych, këshilltar i presidentit ukrainas Volodymyr Zelensky, ka konfirmuar deklaratat e autoriteteve ruse se separatistët e mbështetur nga Rusia kanë marrë kontrollin e qytetit, shkruan BBC.
“Sipas të dhënave të pa verifikuara, ne humbëm qytetin e Lyman,” tha Arestovych në një video, duke shtuar se sulmi ishte organizuar mirë.
“Kjo tregon, në parim, nivelin e rritur të menaxhimit operacional dhe aftësive taktike të ushtrisë ruse,” shtoi ai.
Deklarata e tij vjen pasi guvernatori ukrainas i rajonit të Donetskut, Pavlo Kyrylenko, tha se Lyman ishte në kontrollin e forcave ruse.
Lyman ka qenë prej kohësh një objektiv i forcave pro-ruse.
