Gazment Bardhi i është përgjigjur ish-kryeministit Sali Berisha, pas deklaratave të këtij të fundit për vrasjen në Elbasan gjatë fushatës së 25 prillit. Berisha i bëri sot thirrje që të sqarojë rolin e tij në vrasjen e Pjerin Xhuvanit.
Sakaq, Bardhi e akuzon ish-kryeministri për shpifje, ndërsa sqaron se e di mirë rolin e tij në Elbasan, që siç thotë ai, ishte për të dyfishuar mandatet e PD.
Ai akuzon më tej Berishën se “Foltorja” është e lidhur me bandat në këtë qytetet dhe se nuk ka barë asnjë deklaratë distancimi.
“Shpifja është i vetmi mjet që i ka mbetur Sali Berishës për të bërë politikë. Ai e di shumë mirë se roli im në Elbasan ka qenë dyfishimi i mandateve për PD nga 3 në 6 mandate përballë terrorit të bandave të pushtetit, që sot janë në ortakëri me Foltoren. Sot e kësaj dite nuk ka asnjë deklaratë të SB për t’u distancuar nga ndërhyrja e bandave të Elbasanit në punët e Foltores. Me shpifje as nuk mbulon dot të vërtetën, as nuk shkon dot larg”, shkruan Bardhi.
