Real Madrid e Liverpool hedhin në fushën e Stade de France një copëz të rëndësishme historie: 19 Kupa me veshë të mëdhenj dhe dy skuadrat janë dy nga tre të parat për trofe të fituara. Ajo që e bën më të predestinuar finalen e 26 majit, është se shkëndijat mes dy klubeve emblemë në kontinent kanë nisur pikërisht në Paris, në atë finale të 1981, kur kompeticioni quhej Kupa e Kampioneve. Një ditë më herët në krahasim me atë të këtij viti e në një tjetër stadium, por gjithnjë nën kullën Eiffel.
Atëherë përfundoi 0-1 për Reds me Blancos që barazuan historinë e finaleve vetëm në 2018, kur u imponuan 1-3 në ndeshjen e ndikuar nga dëmtimi polemizues i Salah nga Ramos e nga gafat skandaloze të Karius mes shtyllave. Në pjesën tjetër të historisë, anglezët e spanjollët shkëmbyen fitore të dyfishta në 2009 dhe 2014 me Reds fitues herën e parë me rezultatin e përgjithshëm 5-0 dhe merengues në të dytën me agregatin 4-0.
Dy klubet u përplasën edhe në 2021 ku pas triumfit 3-1 në ndeshjen e parë në Madrid, skuadra e Klopp nuk mundi të përmbyste asgjë në Anfield, me një 0-0 që i nxorri nga kompeticioni dhe i la me një fitore mangët në bilanc. Historia dihet, nuk zbret në fushë për të fituar ndeshjet e aq më pak finalet, por ka rëndësi për të treguar rivalitetin e madh mes dy klubeve që në natën e Parisit do të mundohen të shkuajnë një tjetër histori të lavdishme…
Date Match Score Competition
27 May 1981 Real Madrid v Liverpool 0-1 European Cup
25 Feb 2009 Real Madrid v Liverpool 0-1 UEFA Champions League
10 Mar 2009 Liverpool v Real Madrid 4-0 UEFA Champions League
22 Oct 2014 Liverpool v Real Madrid 0-3 UEFA Champions League
04 Nov 2014 Real Madrid v Liverpool 1-0 UEFA Champions League
26 May 2018 Liverpool v Real Madrid 1-3 UEFA Champions League
06 Apr 2021 Real Madrid v Liverpool 3-1 UEFA Champions League
14 Apr 2021 Liverpool v Real Madrid 0-0 UEFA Champions League
