Lapsi Video

Aplikacioni

Android iOS
Flash

Video/ Si shqiptarët drejt Italisë: u anulluan fluturimet për Paris, tifozët e Liverpool kaluan La Manshin me gomone

Lapsi.al 29 May 2022
Video/ Si shqiptarët drejt Italisë: u anulluan fluturimet për
Çfarë do të ishit të gatshëm të bënit për të parë finalen e Champions League? Mijëra tifozë të Reds fluturuan drejt Parisit për ndeshjen mes Liverpoolit dhe Real Madridit, por pak prej tyre u përballën me një Odise të vërtetë për të mbërritur në Francë. Dymbëdhjetë tifozë të Reds kanë marrë me qira një gomone për të kaluar Kanalin dhe për të mbërritur në kryeqytetin francez në kohë për ndeshjen. Ideja erdhi pasi fluturimi i tyre u anulua. Protagonistët e historisë, Paddy OToole dhe 11 tifozë të tjerë të Reds, të cilët morën me qira një varkë dhe u nisën për në Saint Malo të premten më 27 maj. Ata vendosën të niseshin për në Francë me gomone pasi djali i Paddy, Patrick, zbuloi se fluturimi i tyre EasyJet ishte anuluar. Ai që e bëri të ditur udhëtimin e habitshëm ishte vetë Paddy për Liverpool Echo: "Miqtë e djalit tim, Patrick, Adam dhe Tom Dring, të cilët janë nga Huyton, panë që fluturimi i tyre EasyJet ishte anuluar, kështu që ne vrapuam në Heathrow për të provuar të kapnim një fluturim tjetër, por nuk kishte asgjë për të bërë". Në fund ata zgjodhën opsionin e vetëm të mundshëm: një aeroplan deri në ishullin Jersey. Sapo ata zbarkuan në ishull, Paddy filloi të mendonte për të gjetur një mënyrë për t'i kaluar djemtë përmes kanalit. Burri telefonoi një shokun e tij, pronar i një kompanie që ka një flotë me motobarka dhe vendosi të kalonte Kanalin me një gomone: "Na erdhi keq për djemtë, ndaj duhej të bënim diçka". Grupi u largua nga Jersey me një Redbay Stormforce 950 për 12 persona, të nisur për në Saint-Marlo në Francë. Një video e postuar nga Paddy tregon tifozët në gomone teksa lëkundeshin mbi dallgët, duke dëgjuar muzikë. Në një klip të dytë, një nga fansat shihet duke mbajtur në dorë një flamur të Liverpoolit. Ndonëse bënë përpjekje të mëdha për të arritur në kryeqytetin francez, djemtë duket se e kanë ndjekur ndeshjen në një bar. Tifozët, në fakt, nuk kishin bileta për finalen: “Disa nga shokët tanë të Liverpool që jetojnë në Jersey dëgjuan që po shkonim dhe u bashkuan me ne. Nuk kemi bileta”.

Të këshilluara

ide

Jo dhunës, po organizimit!

Ajo që i duhet protestës sociale sot, më shumë se dhuna, është organizmi i një fronti të gjerë anti-sistem që bën bashkë përfaqësues të grupimeve të ndryshme sociale që emërues të përbashkët kanë pakënaqësinë me funksionimin e regjimit aktual politik dhe ekonomik. Ky front, që mund të quhet Fronti Flamingove, duhet të ketë përfaqësues nga studentët, pedagogët, ambientalistët, shoqëria civile, partitë e reja politike siç është Lëvizja Bashkë, punëtorët, fermerët dhe përfaqësues të komuniteteve të cilave po u grabiten tokat nëpërmjet modeleve të turizmit elitar

15:10 Blendi Kajsiu

MOTI TIRANA

18°c

KËMBIMI EURO

90.83

aktuale

Ndiqe Lapsin edhe në

Me interes nga publiku

Analiza/ Pse Perëndimi mbyll sytë për cenimin e demokracisë në Shqipërinë e Ramës

Në këmbim të besueshmërisë gjeopolitike, bashkëpunimit për emigrantët dhe kontrollit të kufijve, kryeqytetet perëndimore kanë toleruar centralizimin e pushtetit nga kryeministri. “Revolucioni Flamingo” ka vënë në pikëpyetje një pakt që rrezikon të nxisë pikërisht paqëndrueshmërinë që supozohej të parandalonte.

21:01 Gianluca Eramo

Me sytë katër

SPORT

Të tjerë artikuj

PAPARAZZI