Janë mbyllur homazhet e zhvilluara në nderim të ish-presidentit Bujar Nishani. Ceremonia nisi që nga ora 10 dhe vijoi deri në 12 në presidencë dhe më pas trupi i pajetë i ish-presidentit do të përcillet në banesën e fundit në Sharrë. Figura të larta të politikës: president dhe ish-presidentë nga Shqipëria dhe Kosova, ministra, deputetë e ambasadorë kanë qenë prezent në ceremoni.
Ditën e sotme qeveria e vendosi ditë zie kombëtare në nder të ish-presidentit Bujar Nishani. Në të gjitha institucionet shtetërore dhe publike do të ulet flamuri kombëtar në gjysmështizë.
