Ish-shefi i Shtabit të përgjthshëm, gjeneral-majori Bajram Begaj do të jetë presidenti i ri i vendit.
Ai mori 78 vota, nga të cilat 74 llogaritet të jenë të socialistëve, 3 të partisë Socialdemokrate, dhe një votë në favor mendohet të ketë kaluar nga 6 deputetët e opozitës (3 të LSI-së dhe 3 të PDIU-së) që morën pjesë në votim. 1 votë tjetër ishte abstenim dhe 4 kundër.
https://lapsi.al/2022/06/04/andi-bushati-per-presidentn-e-ri-dita-kur-e-bene-kurban-gjeneral-bajramin/
Kandidatura e tij u propozua një ditë më parë nga Edi i Rama pas mbledhjes së Kryesisë së PS.
Presidenti i zgjedhur e ndoqi procesin e votimit në sallën e parlamentit. Ai do të marrë detyrën më 24 korrik. Kryeministri Edi Rama tha pas seancës së sotme se “i kemi dhënë Shqipërisë një president normal, një figurë të pakontestueshme në aspektin e integritetit, humanizmit dhe patjetër dhe të përkushtimit për vendin dhe për njerëzit”.
Bajram Begaj mori detyrën e Shefit të Shtabit të Përgjithshëm të Forcave të Armatosura Shqiptare në vitin 2020 .
Ai më parë shërbeu si Komandant i Komandës së Trajnimit dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor dhe Kryeinspektor dhe Këshilltar i Inspektoratit Shëndetësor në Shtabin e Përgjithshëm të Forcës së Armatosur Shqiptare. Bajram Begaj është Profesor i Asociuar i Mjekësisë. Ai është i martuar me Armanda Begaj dhe kanë dy fëmijë të rritur.
Ai mban gradën “gjeneralmajor”, vendim të cilën e ka dekretuar Presidenti Ilir Meta në 3 korrik të vitit 2020.
Duke përligjur zgjedhjen e tij Rama përmendi shembullin e Moisiut që vinte nga radhët e ushtrisë. “Gjithçka që rodhi pas tij shkoi keq e më keq" tha kryeministri duke i konsideruar si të tilla presidencat, Nishani, Topi dhe Meta.
Ndonëse Rama evokoi shembullin e ushtarakëve në drejtimin e shtetit, emri i Begajt është përfolur në transferimin e pronave të ushtrise tek privatët me bekimin e qeverisë.
Ish ushtaraku i lartë Artur Meçollari qe ka denoncuar në Spak tjetërsimin e pronave të portit te Sarandës dhe atij të Shëngjinit ka renditur si një gga përgjegjësit edhe shefin e shtabit Begaj.
©Lapsi.a
