Është vënë nën kontroll një vatër zjarri e konstatuar rreth orës 20:00, në jug të Sazanit në Vlorë.
Kanë qenë efektivë të anijes së gatshme dhe të ruajtjes së Qendrës së Vëzhgimit Detar që shkuan menjëherë për të shuar flakët që dyshohet se mund të jenë vendosur nga turistë.
Sipas ministrisë së Mbrojtjes, aktualisht është kufizuar përhapja e zjarrit dhe po punohet për të shuar edhe pjesën e mbetur.
Në drejtim të Sazanit kanë shkuar edhe efektivët e bazës së Pashalimanit të imbarkuar në anijen P134. ©LAPSI.al
