Policia Rrugore e Tiranës njofton se ka një fluks të rënduar në akset kryesore të vendit që i drejtohen kryeqytetit.
“Nisur nga fluksi i madh i automjeteve në kthim për në Tiranë, Policia Rrugore e Tiranës, apelon për të gjithë drejtuesit e mjeteve, që për shkak të trafikut të rënduar në autostradën Durrës-Tiranë, të përdorin rrugët alternative: Durrës-Tiranë (Rruga e Ndroqit) dhe Elbasan - Tiranë.
Gjithashtu, kujtojmë të gjithë drejtuesit e mjeteve që gjatë udhëtimit të respektojnë distancën e sigurisë nga mjeti në mjet” – thuhet në njoftimin e policisë që apelon për respektimin e rregullave të qarkullimit për të shmangur aksidentet. ©LAPSI.al
