Aurelien Tchouameni së shpejti do të jetë lojtar i Real Madrid. Klubi kampion i Evropës dhe mesfushori kanë arritur një marrëveshje ekonomike për pagesën, por edhe Monaco është kënaqur me një shifër të çmendur: flitet për një marrëveshje me vlerë më shumë se 100 milionë euro, përfshirë bonuset. Për zyrtarizimin është vetëm cështje e përshpejtimit të formaliteteve burokratike, përpara shpalljes së transferimit rekord të 22-vjeçarit.
Pas Rudigerit, Blancos rrëmbejnë edhe Tchouameni. Real Madrid tashmë po përforcohet për sezonin e ardhshëm, ku duhet të mbrojë titullin kampion Europe, por nëse mbrojtësi i Chelsea është transferuar me parametër zero, Real Madrid duhej të investonte një shumë të madhe për të firmosur me mesfushorin e Monaco.
Fillimisht Tchouameni do të thirret për të alternuar Casemiron, por aftësitë e tij të jashtëzakonshme fizike dhe teknike do t'i hapin dyert e Real Madrid, pranë një tjetër talenti premtues dhe tashmë të admiruar këtë vit, Camavingas. Lojtari i kombëtares franceze sezonin e kaluar luajti 50 ndeshje me Monacon dhe gjithashtu shënoi 5 gola.
MODRIC RINOVOI PËR NJË SEZON
Reali mendon për të ardhmen me Tchouameni, por edhe për të tashmen duke mbajtur trurin e mesfushës. Gjithçka ka përfunduar dhe të mërkurën do të bëhet njoftimi për rinovimin e Luka Modric për një tjetër sezon. Në moshën 36-vjeçare, kampioni kroat po provon ende të jetë një pedinë e domosdoshme në tabelën e shahut të Carlo Ancelottit.
