Gjashtë vjet më vonë Paul Pogba është gati të kthehet në Torino. Marrëveshja me francezin është mbyllur prej disa kohësh (kontratë tre vjecare me vlerë 8 milionë euro neto në sezon, plus 2 bonuse të tjera) dhe do të detajohet përfundimisht në këto ditë, me takimin final mes drejtuesve të Juventusit dhe Rafaela Pimentas, menaxherja e tanishme e ish-lojtarit të Manchester United. Sipas raportimeve të La Stampa, mesfushori francez do të trashëgojë fanellën me numrin 10 të Paolo Dybala, duke u bërë kështu përgjigja, jo vetëm simbolike, për Interin dhe zbarkimin e Joyas te zikaltrit.
TRE MËNYRA PËR TË MBAJTUR MORATAN – Për blerjen përfundimtare të Alvaro Moratas Atletico Madrid kërkon 35 milionë euro, shumë për Juventusin, i cili po punon për të ulur pretendimet ekonomike të klubit spanjoll, ndoshta duke futur një lojtar në shkëmbim. Sipas asaj që raportohet, ka tre zgjidhje të mundshme: e para është përfshirja e Kean në negociata, e dyta është të negociohet me Colchoneros për të tentuar të sigurojnë një zbritje prej të paktën 10 milionë dhe e treta është të propozohet një huazim i ri. Presidenti i spanjollëve, Enrique Cerezo tha dje: "Morata? Ai ka një kontratë me Juventusin dhe derisa ata të thotë nëse do të qëndrojë apo jo, ne do të presim".
ARNAUTOVIC PËR SULMIN - Nëse nuk arrihet një marrëveshje me Atleticon, Juves do t'i duhet një zëvendës-Vlahovic dhe Tuttosport zbulon një takim të organizuar dje në Milano mes një delegacioni të klubit të Juventusit dhe stafit të Marko Arnautovic, i cili nga ana e tij është i hapur për negociatat. Pengesa e madhe, megjithatë, do të përfaqësohej nga Bolonja, e cila nuk do të donte të privonte veten nga një pikë referimi kaq e rëndësishme për Mihajlovic.
