Moska dëshiron të “shkatërrojë plotësisht shtetin e Ukrainës”, tha zëdhënësi i ministrisë së mbrojtjes së Kievit, sipas BBC.
“Qëllimi strategjik i Rusisë është shkatërrimi i plotë i Ukrainës. Ata nuk do të na lënë të jetojmë në paqe”, tha Oleksandr Motuzyanyk për televizionin kombëtar.
“Federata Ruse dëshiron të shkatërrojë plotësisht Ukrainën dhe të vendosë një qeveri që mund ta kontrollojë këtu”.
Moska thotë se po kryen një “operacion special ushtarak” dhe nuk planifikon të pushtojë Ukrainën, por Rusia po kërkon pika të dobëta në mbrojtjen e Ukrainës pranë lumit Siversky Donets në Ukrainën lindore, shtoi ai.
Nëse Rusia merr në kontroll qytetet Severodonetsk dhe Lysychansk në Siverskyi Donets, ajo do të ketë në kontroll të gjithë Luhansk, një nga dy provincat në rajonin e Donbasit.
